أحبتي أصدقائياسعد الله صباحكم بكل خير
الى محبي الشعر الشعبي العراقي
أريد أحجي
أريد أحجي بكلام وياك محدود
إسمع مني خطك لاتسدة
ردت مني كلب صافي إلك دوم
إجيت وياك بكل طيب ومودة
نذرت الروح إلك ياصاح شوباش
عنك بيها حتى الموت أردّة
كل ظني بنيت وياك بنيان
برمشة عين لن بيدك تهدة
تريد أبعد وأبدل دمي بالماي
شراييني أبد مامستعدة
ترة شرع المحبة ماذكر يوم
يجي محبوبك بلهفة وتصدة
بصدري غميك الجرح ياصاح
شأخيط زاد علكامة وتعدة
أبد لتكول أضحك لني بطران
بس دموعي نشفت ما تندة
أضحك من كثر ماكلبي مجروح
ومن ظنوني عود إنتة التضمدة
توليتة كصب جن تطلب بثار
ثارك يلي تطلب عبرحَدّة
صدكني بعد مابية تمكين
وكعت وسيف ذَبحَك لاتحِدَّة
صبح كلبي حمامة بجنح مكسور
ياكسر الكلب شنهو اليشدّة
ركضت أرجة سرابك ينكلُب سيل
وأشرب ماي من كيفي وأتمدّة
بس بالطيف إجاني مثل كطرات
بعد ما وصل يم حلكي وتبدة!!!
(آمال الفراتي)
**************
ليست هناك تعليقات:
إرسال تعليق