مطر تشرين
بالعراقي
حبيتك مطر تشرين
شحلاته اليوم المطر
بلل قمصان البنات بلاخجل
قطره قطره ينزل عالظهر
تعالي احضنك حيل
وعلى خدودك اكتب شعر
وتدرين بيّه اغار عليك
وحظنك مابين سطر وسطر
آخ ياتشرين شحلاتك
من تغسل وجوه البنات مثل ورقات الشجر
شحلاتك يامطر تشرين
سال بعيون الحديثات كحل الحجر
ومن بردك صاحن اشاه
وضمن اديهن بنص الصدر
يامطر تشرين لاتخجل ابد
انت فتنه وغوايه لعيون البشر
شفت روجات الحديثات مبللات بالشارع تركن اثر
بان الجمال المظموم
والقميص انطبع عالصدر
هنا يلاهي شلون بيّه
ظليت اشرب جكاره وبس حسره أجر
حميد الطائي الطائي
ليست هناك تعليقات:
إرسال تعليق