بعنوان:خليوني نجدب
على غرامي بكيت
لبست دربالة
التكيت على عكازي
مطلوقين شعوري
كيف البوهالي
مضيوم شاب راسي
دموعي على خدودي
جراو وسالو....
فيك يا روحي ماتشفيت
حسيت بضري بالهوا مغروم
تهرس كاسي
يحسن عوني ارشيت
ماقدرت نجمع اشقوفو
بالبوح نكمد جروحي
الزين غاب بقاو
حروفو....
غرامي فيه تغريت
كان وردة
نطلق فيها شوفي
شجرة تحت ظلها
مظلل نغني موالي
اليوم اوراقها
دبالو...
غرامي مهول
نخايل الخليل خيالو
بالشوك عليه مزرب
خليوني نجدب
جدبت المجدوب
بلا متسولوني كلها
وحالو...
راني مهموم
شاغلني المحبوب
العالي عالم ما بيا
السالباني مولات الحال
مالكاني بلا سبوب
في بالي غير هيا
عييت نساين طال صبري
صبري قليل طوالو
حبالو...
الغرام قطع الحس
تقطعت اخبارو
طال الغيبة يا عمري
مفرش الدس
على عشقي نتهمسس
الخاطر مشوش ماعرفت
مالو....
يا الغرام
روا لكلام
الحمل ثقيل
الضر بين الضلوع
طفات الشموع
ضوا القنديل ضو عليل
القلب عمات
بصارو.....
على غرامي بكيت
خلاني وحداني
بحال المجنون
دوك الگعدات تشهيت
وحدي داوي سهران
بلا لخمر سكران
بين الحيطان مسجون
ما لحقت لتمنيت
ملاقي النهار مع لليل
العقل هبيل
لقا ريح هبالو:!
29/12/2018
بقلم محمد البراقي الحسناوي
ليست هناك تعليقات:
إرسال تعليق