جاي لك تاني يا اسكندرية..
نفسي أفهم الحكاية
هي إيه عاجبها فيا
كنت ف حالى
شخص عادى م البداية
إيه جرى لي
وليه عيونها جت عليا
كنت فاضي وكنت راضى
شوفتها ساعة العصاري
لونها خمري وخد وردي
رايحة جاية غزال قصادي
كلمتها وكلمتني
وف عيونها توهتني
شغلت بالي وجننتني
دبت فيها وغرقتني
أنا خلاص عشقتها
من بدري أوام راجع لها
خديني ليكي يا اسكندرية
أبقى منك وسط ناسك
أعيش معاها وتبقى ليا
واوعي تقولي عشان جميلة
يا ما شوفت كتير جمال
ياما شوفت رموش كحيلة
كنت خايف من عيونهم
كنت باهرب من كلامهم
لكن هي.. حاجة تانية
حتة مني لون ملامحي
نص تاني كان ناقصني
ابص فيها اشوف مرايتي
وحكايتها زي حالتي
نفس الكلمة احب اقولها
تسبقني ليها.. تاخدها مني
نفس الضحكة لما باضحك
باشوفها حلوة من عينيها
ولو سكت
اشوف ف عينيها 100 سؤال
واما اجاوب بانسى نفسي
واتوه بحيرتي انا قلت إيه
وهي كانت عايزه ايه؟
يمكن كانت عايزة بوسة وغمضت
واللا كانت عايزة حضن وقربت
وازاي ابوسها..
وهي خايفة من لمستي
وازاي ها اقرب.. قلت اجرب
واستنى معاها المغربية
خدت كفوفها بوستها
نسيت كسوفها لمستها
سرحت ايدي ف شعرها
شديتها ليا قربتها
هاتي حضنك
هاتي قلبك عايز اسمعه
ضميني اكتر
زيديني سكر
يا طعم بوستك من شفايفك
حاجة وهم واتحققت
آه من عيونك لما سبلت
وجمال خدودك لما ولعت
وآه من جنون السمر
لو في الحب يتدلعوا
دي تبقى ليلة بألف ليلة
لو م العشق دابوا واتوجعوا
وجاي مش راجع.. يا اسكندرية.
#بقلمي_أشرف_بسيونى 🌹
نفسي أفهم الحكاية
هي إيه عاجبها فيا
كنت ف حالى
شخص عادى م البداية
إيه جرى لي
وليه عيونها جت عليا
كنت فاضي وكنت راضى
شوفتها ساعة العصاري
لونها خمري وخد وردي
رايحة جاية غزال قصادي
كلمتها وكلمتني
وف عيونها توهتني
شغلت بالي وجننتني
دبت فيها وغرقتني
أنا خلاص عشقتها
من بدري أوام راجع لها
خديني ليكي يا اسكندرية
أبقى منك وسط ناسك
أعيش معاها وتبقى ليا
واوعي تقولي عشان جميلة
يا ما شوفت كتير جمال
ياما شوفت رموش كحيلة
كنت خايف من عيونهم
كنت باهرب من كلامهم
لكن هي.. حاجة تانية
حتة مني لون ملامحي
نص تاني كان ناقصني
ابص فيها اشوف مرايتي
وحكايتها زي حالتي
نفس الكلمة احب اقولها
تسبقني ليها.. تاخدها مني
نفس الضحكة لما باضحك
باشوفها حلوة من عينيها
ولو سكت
اشوف ف عينيها 100 سؤال
واما اجاوب بانسى نفسي
واتوه بحيرتي انا قلت إيه
وهي كانت عايزه ايه؟
يمكن كانت عايزة بوسة وغمضت
واللا كانت عايزة حضن وقربت
وازاي ابوسها..
وهي خايفة من لمستي
وازاي ها اقرب.. قلت اجرب
واستنى معاها المغربية
خدت كفوفها بوستها
نسيت كسوفها لمستها
سرحت ايدي ف شعرها
شديتها ليا قربتها
هاتي حضنك
هاتي قلبك عايز اسمعه
ضميني اكتر
زيديني سكر
يا طعم بوستك من شفايفك
حاجة وهم واتحققت
آه من عيونك لما سبلت
وجمال خدودك لما ولعت
وآه من جنون السمر
لو في الحب يتدلعوا
دي تبقى ليلة بألف ليلة
لو م العشق دابوا واتوجعوا
وجاي مش راجع.. يا اسكندرية.
#بقلمي_أشرف_بسيونى 🌹
ليست هناك تعليقات:
إرسال تعليق