ياللي واقف عالمنصة.. بقلم الشاعر يسري عثمان

هديه لاى شاعر يقف على المنصه
--------
ياللى واقف عا المنصه
قول قصيدتك انت بس
احنا مش تلاميذ ف حصه
وانت جاى تدينا درس
---
اللى جى لك م السفر
واللى وشه عليه عفر
مش عواله يابني عندك
وانت عليهم شيخ غفر
----
قولت ياما ياما ياما
حتى ماعملتش حساب
لماقومت عليك قيامه
 اوعى من كلمة عتاب
------
يعنى انا اللى تعبت نفسى
قولت اقول كلمه ف نفسى
شوفت طقم سنانى واقع
دانت ياعم وجعت ضرسى
---
لما لومتك مش صفيق
بس انا حسيت بضيق
لحظه قولت خلاص كفايه
لما حسيت بيه نهيق
----
ايوه هيه دى طبيعتك
بس انا الوحيد ردعتك
اصل انا طبعى الجراءه
اللى حاصل كان صنيعتك