مش هو دا... بقلم الشاعرة آمال بدر

مش هو دا  ( عاميه مصريه )

مش هو دا ابدا حبيبى
ولا هى دى نظرة عنيه
ولا هو دا طبعه معايا
ولا هى دى لمسة أيديه
فى حاجة فيه اتغيرت
مقدرتش اعرف بس ليه

حتى لهيب الحب بيننا
حسيت كأنه بينطفى
والشوق ولهفة اللقا
أحاسيس لقيتها بتختفى
و معاه توهت فى دنيتى
مقدرتش اعرف بس ليه

داريت جروحى بين الضلوع
ومشيت بعيد عن سكته
وعنيه صاحبتها الدموع
والقلب داب من حسرته
وهو   كان نور.   دنيته
مقدرتش اعرف بس ليه

ليه قلبه جف من الحنان
فقدنا ليه حضن الامان
هو علينا جار الزمان
والحب اصبح فى خبر كان
ونسى خلاص محبتى
مشقادرة اعرف بس ليه

امال بدر