يا أجمل بنات الكون
أنا قلبي بحبك بجنون
حن على قلبي الحنون
بنظرة من أجمل عيون
و لا يوم تقس عليه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ليه شغلان نهار و ليل
سهرتين الليل الطويل
عايش في حلمي الجميل
يا للي جمالك ماله مثيل
ليه بتسوق التقل ليه
؛؛؛؛؛؛؛؛؛؛؛؛؛؛؛؛؛؛؛؛؛؛؛
جمالك سبحان الخلاق
بيزينه حسن الأخلاق
منايا يتم الوفاق
و تطمن قلبي المشتاق
كلمه لقلبي راح ترضيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شوقي لك نساني النوم
نفسي عن حبك أصوم
ياما آسيت من كتر اللوم
ايمتى في بحر هواك أعوم
حن على قلبي و واسيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
هو النسيان عند غيه
قلبك ليه ما فيهوش حنيه
قلبي بيهواك يابنيه
مهما شاف منك أسيه
همسه من صوتك تداويه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
راح أجيب أهلي مع خلاني
يفرحوا أهل العشق عشاني
و أرتاح من الحب اللي كواني
و أسقيك من بحر حناني
رأيك على نار مستنيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
{أسامه جديانه}
ليست هناك تعليقات:
إرسال تعليق