من وين جبتي ها القسا ... الشاعر رضوان القنطار ....

من وين حبتي هالقسا......
***
***

من نين جبتي هالقسا كلوّْ
رحتي وتركتي القلب بي غلّو
حاملك بقلبي الف تذكار
عايش ع ذكرى حب ما بمللو
*****
يسمينتك غويت عكتف الدار
تكيوا غصونا للعشق صلّْوا
بلكي اذا مرقتي عليها نهار
من حسنك الازهار يتحلّْوا
*****
بتتذكري يوم الي كنا صغار
نرسم حلم نتربع بظلّْو
قلك انا راح غير الاقدار
أغزي السما والكون احتلّْو
*****
نمرق على النجمات شي مشوار
من سحرك النجمات يتملّوا
حتى البدر مجنون منك صار
يتخبا بالغيمات يا ذلّْو
*****
شوب بتنفع الآهات والاخبار
والقلب شو نفعوا اذا فلّْو
حنِّي على عاشق بقى ختيار
من نين جبتي هالقسا كلو

رضوان القنطار