..... فاض بيا السكوت .....
عمر الندم ما ح يفيد
ولا اللى راح كمان يرجع
وعلى الأغصان وروود
فى بستان مش مستنقع
متتحملش الغدر والوعيد
وانت بتقسى عليا وتوجع
ليه تعيش معايا عنيد
وكل مره أقولك وأعيد
وإنت مش عايز تسمع
الصبر جوايا له حدوود
خلاص فاض بيا السكوت
وقلبى مش قادر يتوجع
قربت أخد قرارى الأكيد
ولو اخدته عمرى ما ح رجع
ومش ح يهمنى أى جديد
ولا ح خاف من أى تهديد
انا حذرتك وإنت عليا بتزيد
وقبل ما ادفع التمن ح تدفع
.....................................
.... د . حسن الشوان 🇪🇬 .....
ليست هناك تعليقات:
إرسال تعليق