////////+++الله الله+++////////
الله الله يامولانا
لاغيرك عندو ادوانا
امسافر بيا طيب لعبير
وانا مشوق وغادي بالسير
كتبي مابيا يادواية
ياحروف صدري مشاركة بلايا
لمن نشكي لمن نروي
لمن نبكي لمن ندوي
سولوا صدري وشحال حامل
مايجاوبكم ماشي ساهل
يامسافرين بيا ف حوالي
ياهل الله وكتبو مقالي
لاتلوموني ف عشق العنوان
ركبتوني السربة زربان
مانا مجدوب وملكني الحال
ماكان ليا حبابي ف البال
درتكم ليا صحابي وحباب
ياهل الله يالواقفين ف الباب
ربي العالي عشقي وسناد
لاحد بحالو حاكم لعباد
وسط الفقرة ياك تلقاوني
حالي رباني تقراوني
يافرحي وانا ندكر ربي
ياسعدي بالسر لمخبي
الله الله يامولانا
لاغيرك عندو ادوانا
امسافر بيا طيب لعبير
وانا مشوق وغادي ف السير
بقلم صقر الحروف الزجال المحجوب بوسبولة
ليست هناك تعليقات:
إرسال تعليق