المقاطعة
___________.
الرسوم مش سُبة فيك
الرسوم دي سُبة فينا
عجزنا في توصيل رسالتك
هي عار ولوم علينا
ياللي جيتنا بالسلام
ياللي أمحيت الضغينة
كنت في العفو الكبير
المثال والقدوة لينا
مهما سَبوك الأعادي
السماحة دي دين نبينا
_______________.
كُنا أسوء وجهة ليك
وبغبائنا بنعاديك
وكُنا كالدبة بغبائها
شوهت أجمل ما فيك
شوهت فيك السماحة
شوهت فيك الصراحة
شوهت فيك التعاطف
والكلاب هاجت عليك
همَ أساءوا بغبائهم
وأحنا جينا كتير عليك
مش هطالبك بالتسامح
لشعوب ساءت اليك
اطبق الجبلين عليهم
وخلي ربك نصره ليك
نزل اللعنات علينا
وذي نوح
ييجي بعده جيل جديد
جيل ميعرفش الخضوع
جيل ميعرفش الخنوع
جيل بينتج مش بليد
خونَ من قبل الحسين
والنهاردة
خونَ جده من جديد
___________.
المقاطعة مش كلام
أو نصلي والسلام
المقاطعة في شعب ينتج
كل اكله بالتمام
المقاطعة تبقى قوة
فيك شجاعة ومروة
المقاطعة يبقى فاسك
هو باب أكلك لناسك
المقاطعة في عقل واعي
ويبقى اكلي وسلاحي من دراعي
يومها هنكون أنتصرنا للرسول
يوها نقدر نفتخر وممكن نقول
إحنا فرسان الرسالة
إحنا أتباع الرسول
هي دي أصل المقاطعة
بالمجادلة والاصول
___________.
شعر/محمد توفيق
مصر_بورسعيد
ليست هناك تعليقات:
إرسال تعليق