... *** حنين فى حنين *** ...
غناوي الحب حراقة ..
حنين فى حنين
عزول وعيونه براقة ..
على العاشقين
ونسهر بالقلوب نشتاق
نلاقى الدمع فى الاوراق
وليل الحب شوق وفراق
ولحن حزين
أتاري الخطوة مكتوبة
قدر و نصيب
تشوف الضحكة محسوبة
لكل حبيب
وجوه الحزن .. كام اهة
فراق على غربة .. تواهة
مفيش ضحكاية .. نلقاها
نجيبها منين
حنين القلب يتفجر ..
نهار مع ليل
ونهر القرب يتعكر ..
سفر و رحيل
وكلمة تقولها تسعدني
ياريت بالقرب توعدني
ملامك فين .. يحاسبني
ولو بالعين
سنين الحب تتغني ..
دموع و دموع
وشمع يسيح ويستني ..
فؤاد مخدوع
اتاري الحزن فى الألحان
حريق القلب والسهران
وكلمة .. تسعد الانسان
نجيبها منين
.بقلمي .. الشاعرناصرعطامحمد
بقلمي .. Nasser Atta
ليست هناك تعليقات:
إرسال تعليق