حى حد............احمد عبد الحق

هي حد
وانت حد تاني
هي احساس كان بوهم
وانت احساس محسوس بجد
هي حس
وانت همس
انت حرف مكتوب بنفس
هي شوك ديما بيجرح
وانت شوق منقوش بورد
هي يمكن تكون سؤال
مليون سؤال
لكن انت كل الحروف
سؤالك انت
فاق التعجب
والانبهار
سؤال والله مالهش رد
هي حد
وانت حد
الخلاصه وبامانه
انت قرب وهي بعد
انت الدفا اللي ماليني
وهي برد
تفرق كتير
لما تسقيني مرارها
ولما تسقيني انت شهد
هي نهايه الاوان
اي شيء عندي كان
وانت اوانك لم ياتي بعد
هي حرف وانت حرف
انت حرف مكتوب بهمس
طالع من بطن شمس
وهي للاسف برضو حرف
لكن
حرف كان مصنوع بجبس
هي حد وانت حد
طول وعرض
صد رد
الخلاصه باختصار
انت سما
وهي ارض
احمدعبدالحق