بنت حوى ......الشاعرة فاطمة علام

#بنت  حوى#
~~~~~~~~~~~~~~~~~
قالوا عنى عقل ناقص حتى دينها--
بنت حوى دى ضعيفه من زمانها --
 ما انت ناسى كل حاجه من حنانها -
          برضه قالوا البنت عار....
حتى خلفتها  بتفجع دى مرار...
            تدفن جوه الرمال...
داللى يتكل عليها  حمله مال...
اصلى جات من ضلع اعوج....
والسياط لابد منه لأجل تعدل...
  هو يابنى لولا هى راح تكون....
هى بنتك هى اختك هى امك الحنون-
 د انت منها راح تكمل نص دينك -
 وان رماك الدهر يوم  ولا يوم تدينك
بنت حوى من عذابك ياما شالت --
 وانت جوه البطن منك ياما عانت --
 كل لقمه راح تاكلها  راح تجيلك --
 م انت جوه البطن منها كالجنين..
 رغم   ضعفك راح تشيلك بالحنين..
لسه برضه عقلى ناقص....
لسه برضه ناقصه دين --
 وانت واخد من عضامى....
ياما اتحمل واشيل......
ماانت آلامك ألآمى......
بدعى ليك يوماتى وف صلاتى...
يوهبك عمرى الى باقى من حياتى..
دعوتى لويوم تصيبك....
 بالرضا هتكون نصيبك...
والجنه  تكون من رضايا....
بالوصال او  بالرعايه...
واوعى يوم تقول....
 بنت حوى  ناقصه دين
ده كله هيعود ليك سلف ودين
#فاطمه علام #
**********************