خطفونى عنيه.....محمد صلاح حمزة

خطفوني عينيه ...
واللي سحره طاغي
             ليه نعتب عليه ...؟؟
في عيون الحبايب
          مسجون من سنين
عن أهلي أنا غايب
            وفي قلبي حنين
خطفوني عينيه
واللي سحره طاغي
              ليه نعتب عليه ..؟؟
نسهر له الليالي
ونعد الثواني في قربه
وإن ضاع العمر كله
              مش كتير عليه..!!!
يا كل قلب في حبه دايب
إزاي بتعرف تخبي ..؟؟
واشمعنى أنا قلبي خايب
            والحب بان عليه ..!!!
أمانه يا صاحبي وأنت معدي
هدى الخطوه عنده
                  وسلملي عليه
يا أهلي ويا ناسي
              ويا كل الحبايب
أنا قلبي ظلمني
          وحكم الهوى غالب
أمانه عليكم  لو مرة
      في طريقكم لمحتم عينيه
أوصفولي عينيه
    والشعر الحرير
           حتقولوا ايه عليه ..؟؟
حتقولوا ستاير
   على الكتاف يهفف
          ومن نسمه يطير
وطيفه اللي سارح
           مع موجة عبير
            حتقولوا ايه عليه ..؟؟
حتقوله رمشه جارح
   واللي جرحه في قلبه
             مين يبكي عليه ..؟؟
محمد صلاح حمزة
(روائح من الزمن الجميل )