///ماجاتني///
ماجاتني سيادي بعراضة
وامالها حلفت ماتقاضى
ولات ليا هذي عادة
ومع الايام راها غادة
عدروني ياعالمين بيا
وافين كانت سواكني ليا
نشكي لله من كان لي سباب
دمعي على خدي زاد عذاب
كل مرة في عمق لحضاري
حالي ماعارف اش طاري
وحبة تابعة ختها هاني
قولوا لي هذا منين جاني
مرة مرة وانا محتار
ياك داخل وانا مامختار
نجذب ونعاود ياسيادي
والناس ماعارفة انهادي
نطلب لعفو من مولانا
ياك سيدي للي ماينسانا
دمعي على خدي هواد
مرة هجهوج مرة عواد
مرة بقراقب من حديد
مرة بطبل ومزمار جديد
مرة بندير واش واش اندير
نرتاح شوية ونكمل السير
اش ابغيتوا عندي ياجواد
واش حقد هذا زايد ازناد
والحكم لله مول الحكمة
ينصفني من هذا القسمة
هذا الحال ومنين ركبني
ياك خاد عقلي وزاد سلبني
مابعتو وانا ماشريتو
ولبسني وانا مابغيتو
مكواني منو كنعاني
وحلف امعايا مانساني
فيدوني لله ياهل الحال
والحالة سيادي ماتذبال
بقلم صقرالحروق ابوسبولة الزجال بوسبولة المحجوب
ليست هناك تعليقات:
إرسال تعليق