من روائح الزمن الجميل/محمد صلاح حمزة

من روائح الزمن الجميل
ودع كلام الليل
إنساه ...
وإنساني ...
عمر الهوى ما كان
حبة حروف و كلام وأغاني
كان وهم وخيال ...
وحلم محال ...
عمره في يوم ما حيرجع تاني
إنساه وإنساني ...
قولي حيجي الحب منين
والعين ماشافت عين
وإيد ما داقت حنان الإيد
وحضن ضايع ما بين إتنين
عيشت قلبي معاك فى حيرة
بين الوهم وبين الحقيقة
وسبت قلبي معاك يتألم
يروح لمين يشكي ويتكلم
وشربت كاس الوهم معاك
ما عرفت أيه أخرتي وياك
كل الكلام  أحترت معاه ...
شككتني في حروفه
و حتى في معناه ...
وقطعت كل الخيوط بإيديك
وعمر اللي إتقطع ما حيرجع تاني
ودع كلام الليل
وإنساه ...
وإنساني ...
عمر اللي إتقال ما حيتقال تاني
وحعيش في وحدتي من تاني
أرحم لي من وهم وأغاني
وحقيقة ضايعة معاك
لا عرفت مين إنت ...
ولا عرفت فين أنت ...
ياريت كمان تنسي
 إسمي وعنواني ...
ودع كلام الليل
وإنساه ...
وإنساني كمان وياه ...
محمد صلاح حمزة