زجلية بعنوان:
عرس الديب
السفينة ب الضغينة غرقات
نفت الشتا والشميشة طلات
قوس قزح ترسم ف السما
المتعوس مهرس
الديب معرس
عروستو برزات
مدات يديها لحناني
و الوجه زوقات
الخدود بالعكار لونات
يبانو بحال الوريدات
ب الجوهر و التيجان تزينات
والرجلين ب الخلاخل تكبلات
وگعدو الميل الزغراتات
ب الأهازيج والتصفيقات
عريس الغفلة
الديب حتى هو تقاد
ومن بهى لكساوي
لبس كوستيم
و بدل ف الوجه التقاسيم
ب البشرة والضحكة المزورة
ستقبل فريستو آه.... لا عروستو
اللي كاد ليها مكيدة
وصيدها ب الحيلة
ماشي ب المصيدة
كيفاش تقطفت الوردة بلا محنة
وتقلّعت جدورها
من عراصي نبتات فيها
تشبتت ب أرضها
وتعلقت ب الجو فروعها
عنقات بوريقاتها الجنان
و ريحتها فايحة عطرت المكان
وردة تزوجات
لا...لا راها تغصبات
وف حياتها ترزات
تعزات فيها قبل الممات
فاتحة سرغيني
ليست هناك تعليقات:
إرسال تعليق