* قصيدتي ( مش حاروحله )
مش حاروحله
مش حسامحه
مش حاقوله
انك حبيبي
قلبي عارفه
كمان وشايفه
قلب قاسي
ماهوش داريبي
كنت فاكره
حبيب حياتي
كنت فاكره
كمان شاريني
عشت جنبه
أغني واحلم
واقول نصيبي
ياريت يجيني
وهو ناسي
قلبه قاسي
كمان بايعني
ماهوش شاريني
بكره يعرف
بعده يندم
علي جرح قلبي
ودمع عيني
خلاص حسيبه
يشوف نصيبه
وارد بابي
واداوي عيني
واقول دا ذكري
ما ييجي بكره
انساه يا قلبي
وحب تاني
حبيب يصونك
ما يوم يخونك
تقول نصيبي
يقول حبيبك
قلبي ملكك
نبضه سامعك
والله عمري
ما يوم اسيبك
نعيش حكايه
من البدايه
حب صادق
مش خداع
روح جميله
تقول اميره
نروح لبكره
بدون وداع
بكره لينا
وبعده مينا
تقول سفينه
راكبه موج
فارده الشراع
خلاص نسينا
أيام حزينه
وكمان ماضينا
مع قلب قاسي
قلب سابنا
كمان وباع
وهو ذكري
حبه نكره
ما يسوي فكره
ولا حتى يوم
كلمه وداع
* انتهت من فضل الله تعالى قصيدتي ( مش حاروحله ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق