**** ولو قالوا ****
ولو قالوا الجمال أصناف
حبيبي ف الجمال أوصاف
كده ف وصفه مفيش صنفه
ومش لاقي الكلام إنصاف
تشوف صورته ملاك من نور
تجيب سيرته تلاقي بدور
تطير روحه ف نسايمها
واعديله جسور وبحور
كلامه من عبير الورد
بيسقي للوجود الشهد
في صوته النغم واللحن
وحسه طيف طريقه اتمد
في قلبه نبض كله شوق
في حبه شئ واخدني لفوق
لقيتني في الهوا دايب
أنا العاشق وهو المعشوق
الشاعر الغنائي / عرفات فرج الله بلبل
ليست هناك تعليقات:
إرسال تعليق