الجدار بقلم الشاعرة نسرين جمال

الجدار ده مش جدار ......
ده سنين من الحوار....
 كل ركن منقوش فيه مية حكاية
بيحيكي قصة عيلة عاشت من البداية للنهاية
عاش معاهم كل لحظة فرح ....
كل حزن وجرح ...
كان شاهد ع الرواية .....
كان بيحزن لما واحد منهم حاجة تجرحو
 كان بيفرح لما أهله يفرحوا ....
كان معاهم ع الفطار والسحور
كان بيصلي الفجر حاضر ..ويشع نور
 كان بيسمع صوت الست....ويدندن معاهم
كان بيسهر ف حماهم ....
كان بيلبس زيهم  .....
حتى نفسه منهم ......
 كان بيسند حلمهم .....
 شاف كتير وعاش كتير ......
شاف سنين من العمر جريت ...
أحلام كتير  ضاعت وهربت. ...
شاف الطفل لما كان لسه بيحبي
 وأما كان بيستند ويقف ويجري
 شاف سواد الشعر بيشيب بدري بدري
شاف قلوب كبرت وقسيت ....
وقلوب نسيت .
عاش كتابة عمر كامل ع الوشوش ......
شاف كتير مابيرحموش .....
 والعمر ماشي ....
 والجدار واقف بيروي مية حكاية. ...
لحد ما كتب النهاية .....
الجدار ......
مش بس بيت ....مش بس دار
ده سنين من الحوار ....
 وعمر مليان نور ونار
نسرين**