اسألي كل السواقي
***💥**❄️***
الشاعر
محمد عبد الفضيل
**💥****❄️**
إسألي
كل السواقي
والمزارع والأراضي
عدي عمر سنين وعدي
ولسه بديكي اللي باقي
❄️💥
بس خفي شوية . حبة
وأبدري في الارض حبة
لجل ما تدور السواقي
❄️💥
العنب من خمره سكر
والقصب مبقاش مسكر
والسنابل مش حنابل
لجل ما تسن السناكي
علي اللي شاكي واللي باكي
واللي قلبه كمان عليكي
واللي مستني التلاقي
❄️💥
نفسه مرة يشوف عينيكي
من عجين القمح عودك
لونه دا سر لوجودك
بس موتيه بدودك
لما نيله جه وسقاكي
❄️💥
فين هواكي
ياللي عشقك مش متين
ليه بعندك
غاوية تغلطي في اليمين
إنتي عاشقة بس مين
اللي حبك واللي جو القلب شالك
واللي حاله هو حالك
ولا عاشقة اللي رماكي
❄️💥
البداري كف إيدهم مش محني
والبنات بالزلعة ماشية
ع الترع وحاضنها جني
ومين يغني ؟
ومين هنا يعشق هواكي
❄️💥
كل شق في كف إيدي
شق جدره كمان في طينك
والله لو ينزف وريدي
جو ا قلبي كمان هشيلك
جوا قلبي وقلبي راضي
ليست هناك تعليقات:
إرسال تعليق