اقتلونا بدم بارد
و احنا صدورنا عرايا
لما عدى سنين كتيره
و احنا ما فهمنا الحكاية
كبر الوليد و بقى راجل
قال عليل و فين دوايا
قلت يابني انت زين
قالي يابا مش شايف سمايا
ارضي فين و أرض جدودي
خطفوا مني حلم الصبايا
انتوا فرطوا في حقي
فين ميراثي و فين الوصايا
مين سرق نبض قلبي
مين اللي فكر في النهايا
لسه بدري و جي يوم
افدي الأقصى بدمايا
انتوا فاكرين اني هسكت
عن ضياع أرضي و سمايا
مستحيل اخضع لظالم
اخد حقي و قال كفايا
هانت عليكم ارضنا
اللي بنينا فيها حلمنا
أرض ابويا و أجدادنا
لو يسألونا أحفادنا
أقول له احنا فرطنا
و ما قدرنا على عدونا
خمسة و سبعون عام
و احنا بنرويها بدمنا
اسألوا كل العرب
اللي وقفوا جنبنا
اثبتي ياغزة
راح يحموك شبابك
اللي واقفين على بابك
مهما قتلوا و دمروا
راح نموت فدا ترابك
(((أسامه جديانه)))
ليست هناك تعليقات:
إرسال تعليق