اصرخى يابهية......خالد الجمل

**خالد الجمل**
اهداء مني الي الدكتور
احمد محيي عبد العاطي
.....   .....   .....   ......
اصرخي يابهية
شقي الهدوم علي الولد
الي بينادي باسمك في الميدان
اهو راح قدام عنيك
تعرفي فين المكان
تعرفي كان ذنبه اااايه
ولا اي!!! ذنب غير ان حبك
طب قوليلي هو دا مايبقاش حرام
ياالف خسارة علي احمد
لما نادى علي الغلابه
المطحونين تحت الرحايه
لما قال عايشين في غابه
ووقف علي شق الديابه
رافع لهم راية السلام
وصرخ وبأعلا صوت
حريه حريه من غير كلام
هي صرخه جوه منه
بس صدا الصرخه رجع له
من الف عام
شقت الفجر الي كان باهت
طلعة شمسُ الجديده
لكن ياحصره ضحكتُ
ليه مش سعيده
اصل ضاع حلم الولد
قدام عنيكي يابهيه
لما ضربوه بالحديده
لاممتش بس مات
لما حس  كل احلامو
كوابيس وجايه مدبوحه
كان بيتمنا تكون
فيها الي فيه
ماتكنش مقتوله وشهيده
واصرخي يابهيه تاني
وعددي علي راح وسط
الميدان وكان بيقولك
مددي
حلمي بالحريه راجع
واشهدي
اهو عايش بس ميت
معتقل في سجن جنابك
ووقفه عليه تتفرجي
مدي ايدك وانقذيه
مدي ايدك واخطفيه
هو ضحي بعمرُ كله
علشان مهونتي ف يوم
عليه
عشان مهونتي ابدا عليه
كان ذنبه ااايه
رجعيه تاني لحضنك
لو صرخ ميت الف صرخه
هو كان يصرخها ليه
مش عشان خاطر عيونك
تقومي بالقسوه تلاقيه
هقولك ااايه
...خالد الجمل....