////+++ وانا ذواق +++////
لسوق فايق بكري سباق
ياك يعجبني وانا ذواق
ونعشقو به عقلي مسلوب
وانا ياهلي ليه مجلوب
جامع اللمة وبلى عراضة
ياك خضرة وفاكية وبياضة
كل مافيه سيادي مقبول
علمتني حروفو كل مانقول
لقبايل وقاضية فيه حاجة
والعين عشاقة تتفاجا
هذا مشوق ولقى للي بغاه
هاهذا بكفتو كلشي قداه
زبدة وعسل معمر شواري
فول حمص وشلى لدراري
سوق البادية ياك متعنا
ف حضانو شهدة مكلمنا
كل مكان فيه لينا فايدة
خيراتو للكل ياك زايدة
///++ بقلم صقر الحروف الزجال بوسبولة المحجوب ++///
ليست هناك تعليقات:
إرسال تعليق