بوسة عيون..د.رامز عيد

بوسة عيون

بقلّك   حبيبي ولا  تكون  زعلان
غلغل بصدري و احضن نفاسو
صمتي طبيبي والسكت عشقان
خجلان  كيف يبوح   بحساسو

سنتين  شوفك و القلب  ولهان
بردان  قلبي   حس    ببعادو
بعينين شوفك  والنظر عتبان
بحران لحظي يغص بجمادو
قرّب  لعندي  خدني  بإيدي
وبكل تنهيدة  ل خمرها نبيدي
العينين ينباسوا
نخلّي العيون جنون يتباوسوا
وتبر الشقا عالبعد يتلامسوا
و يللي  جمع  تمّين
عشق وصدق لحنين
و بكل قطرة خمر
نكوي الروح بجمر
نحلي سحر السر
يتغامسوا و يتنافسوا

نخلي نهيد الحب
لزهور الربى
يقطف رحيق القلب
من روح الخبا
غمرني بحنيني و شد بالغمرة
صفيني انيني  و ردّ بالخمره
نحفر  بروح   الورد  و النظرة
وع كل مفرق  درب
عطر العشق ينكب
عمر الصبا ينصب
ويذوب بهماسو
نكتب وعود القلب
بالنور نبراسو

رامز عيد

٠٧/٠٧/٢٠١٦