شو بخاف ان تظل ديرتنا بخطر
ورياح هوجه تكسر المجذاف
والموج عاتي واسبر عباب البحر
ويضيع من بين الخلق الانصاف
وتقسى قلوب الناس كصم الحجر
وبسماتنا تغفى على. الشفاف
وايامنا عوجه ومصدر للقهر
وبظهورنا عمبيزرعوا الشلاف
الغراب يمشي وشايف بحاله نسر
وزاني يدّرس للشرف. وعفاف
والصل ما به سم وعايف. للوكر
وبخيل صاير محسن ومضياف
الطيب والنوماس ما عاد. ينذكر
وبين السما والارض ما في غلاف
حتى السحب ما عاد تحمل للمطر
بينا وبين الرعد يصير. خلاف
كل الهواجس تذوب بلحن. الوتر
مهما عملوا على الوفا. احلاف
وتفتح الروضات بورود. وزهر
ونقطف من شفاف العنب. سلاف
وترجع ليالي الكيف ووقات السهر
وناخذ عبر من محبة. الاسلاف
وتسقسق العبرات من عيون النهر
وتروي ظمات الروح زله. الحاف
وتفتح الاوراق ع فنان. الشجر
ويلفظ من عبابو البحر. اصداف
هذه الحياة الي بتسر. البشر
وتشيل اوزاره عن. الاكتاف
امن وامان بالمفيد المختصر
وما يظل ع كل الخلق. اجحاف
شعر : عاطف سيطان البربور
