كيف مانفخر بيك يابلادى...فوزية النجار

كيف ما نفخر بيك يا بلادي؟

ورايتك مرفوعة ف العالي

ولادك جابوها وحياو ما كان شحال هادي

رجعو مجد الكورة المغربية من ثاني

جمعو شمل أمتنا بكفاح مثالي

منين رفعو علم فلسطين الغالي

أولادك رجال وقادين 

ما يهزمهم ثور ولا فيل 

شعارهم الله الوطن والملك يا سيادي

مثلونا أحسن تمثيل

فالمونديال الحالي

يا قطر شهدي وسجلي هادو شجعان بلادي...

بدموع الفرحة كمل الرجا والنشادي

دموع الفرحة ماليها مثيل 

وليد الرڭ‍راڭ‍ي راس لافوكا  مدرب ماشي عادي

 ووليداتو سبوعا كاملين

الكرة بين رجليهم فن وتكتيك من الطراز العالي...

أشرف حكيمي عالي المْقَامْ

ونايف أكرد لْجَامْ

ورومان سايس شاد لَحْزَامْ

ونصير موراوي همة وْشَانْ

عز الدين أوناهي فَنَّانْ

وسفيان أمرابط خَيَّالْ

وعبد الحميد صبيري زَلْزَالْ

حكيم زياش سبع ڭ‍َوَّالْ 

سفيان بوفال لاعب غْزَالْ

ويوسف النصيري تعدى لَكْلاَمْ

وياسين بونو يا سلام يا سَلاَمْ...

كيف ما نفخر بمنتخب بلادي

فالتيران سبوعا وغوال

قاتلو وناضلو حتى علاو لعلام

فالخاوة عطاو قدوة ودروس شحال

فالمحبة ورضات الوالدين 

وليداتنا مرضيين ومهديين 

سجل يا تاريخ هادو مغاربة رجال

مربيين ومخلقين 

ولعبهم يفاجي لهوال ...

()

إهداء خاص مني باللهجة المغربية لمنتخبنا المغربي ولكل المغاربة والعرب.

2022/12/6