إعلان بالحب
بقلمي يحيى حسين
أنا فايض من قلبي الإحساس
تيار حبك أمواجه جارفة
وأعلن حبي لكل الناس
بس خسارة إن إنتي ما عارفة
إنك شمس القلب مداره
مشغول بيكي بليله نهاره
دا بعدك بارد انا فيه شارد
عجيبة لسعني البرد بناره
وأخد القلب بعيد عن داره
وإنتي مناره شطه بحاره
إنتي الحلم وأجمل زواره
إنتي العزف اللي تمنيته
بس اللحن نقصاه اوتاره
خلي القلب يعزف ألحانك
خلي القلب يبوح بأسراره
خليه يعلن للناس حبك
ويكون قلبك مسك مزاره
يحيى حسين القاهرة
28 سبتمبر 2022
ليست هناك تعليقات:
إرسال تعليق