قربها منك ........ضمها
حسسها ان انت نفسها
قربها منك .......حسها
متكنش سبب نزول دموعها
واوعاك تفرح ف يوم بخضوعها
الدمعه ف العين بتجرحها
طبطب عليها بلمستك
اسقيها من حنيتك
خليها كل دنيتك
حسسها وانت ف حضنها
انك راجلها وطفلها
خليك شاعر في وصفها
حسسها ان انت الوحيد
اللي معاها ف صفها
خليك ضهر يحمي
واقف معاها ف ضهرها
وقت المها وضعفها
وكلمت بحبك مش كلام
خليها هي تحسها
هتلاقي قدامك ملاك
وهتعمل منك امير
مالك علي كل عرشها
قربها منك ضمها
حسسها ان انت نفسها
سامح سامح
ليست هناك تعليقات:
إرسال تعليق