/////////***ياعيد الشعر***/////////
بك هانا في حضن حروفك
ومعاك ياشعر زايد نشوفك
هانا معاك مازال لك باقي
ومحبتك في نبض عماقي
انت خيالي ياك قصيدتي
ياموالي وسر اغنيتي
فوق عرشك بالحب نلقاك
ياسلطان اللحظة وحنا معاك
يالجاي على عودك تمايل
ومخلي كل حبابك تخايل
ميلادك بالفرحة لكل ناس
وسطوعك يفرق لينا الكاس
وزهور لستقبال فواحة
في سر كل وردة اسماحة
يا عيد الشعر طال بحروفك
ف وجه اسيادي ونشوفك
ف عبير لقصايد ياك كلمات
ف قوافيها اسرار نغمات
ياعيد منك لينا رسالة
بالمعنى ومغير الحالة
بين سطور ياك لينا وتبوح
مصباحك وينور المسموح
امكانك في القلب ووراقي
ومخبتك زايدة سر شواقي
بيك وفيك ياشعر ياك نرقى
وعلى عهدك لا لا مانشقى
انت الحلم ياسرب كل لكلام
وانت الغالي عالي لمقام
انت الحاكم ماتمهلنا
وانت الالهام لتخاصمنا
انت العارف تحكم وتنصف
انت ربيع ومنك سر العطف
تغسل لقلوب ياك مافيك حقد
كيف هذا كيف داك ماتحسد
كلشى اوريدات الجنة
كلشي اوريقات الحنة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق