وحشتينى
ايوا بجد ...........وحشتينى
كنت فاكر انى اقدر انساكى
وانى اقدر استحمل غيابك
كنت فاكرك شيئ عادي
وان حبك ظرف عابر
وهقدر اخرج منه عادي
بس لما بعدتي ....عني
زاد حنيني رغم اني
كنت موجود جنب منك
بس مسجون انفرادي
كنت غرقان جوه دمعك
كنت واهب قلبي ليكي
واللي حز ف نفسي جدا
لما خنتى دموع عنيكي
وف ساعتها القلب قرر
ان يبعد عن طريقك
اصل مش ممكن ادمر
كل حاجه عشان غرورك
اختيار صعب ومر
ان اسيب قلبي معاكي
وان انسي كل هواكي
وف نفس الوقت دمي حر
ومش هقبل اي انكسار
واني لازم بعدك اعيش
واني لازم ابان سليم
رغم كل اللي جوه مني
وبعد ما بعدت عنك
وداويت نفسي منك
لسه برضو بتوحشينى
غصب عني
اصل كل حاجه فيا
صوره طبق الاصل منك
كنت فاكر اني اقدر انساكى
واني بعدك راح اعيش
نسيت نفسي ومنستكيش
سامح سامح
ليست هناك تعليقات:
إرسال تعليق