هي حبت بس خبت
وماصرحتوش
بس بذكاؤه هو فاهم
وساهم انها متقلوش
هي خافت تقول علي حاجه
واتحول السهل الي صعاب
وهو ساق في السذاجه
وعاش دور حبيبها في الصحاب
هي بتحاول تعترفله
بس خافت م الجواب
هو عاجبه خوفها وسكوتها
هي حست بيه ساعتها
وفكرت تبعت جواب
بس رجعت حبت تواجهه
وتقتل جواها السراب
قربت منه في ابتسامه
وجواها ١٠٠سؤال
هو خاف من سؤالها
وف سكوته تعمل جواب
هى لسه بتعترفله
ونفسها تقول في ثانيه
هو راح قاطع كلامها
وحب يغظها بوحده تانيه
هي بصتله .....ساعتها
والذهول بان عليها
هو خاف عليها جدا
وخاف زياده من دموعها
هي راحه ضحكت مره وحده
هو حس بشيئ غريب
فجأه قامت مره وحده
ولبستها في النصيب
هو جاله زهول وخضه
وقفة الكلام كان رهيييب
هي جريت منه بعيد
خافت اللي جواها يبان
هو قام يجرى وراها
هو خاف تنهى اللي كان
هي مشيت في سكات
هو م الصدمه غرقان
وابتدى فعلا يفوق
وجرى راح يدور عليها
بس دور مش لاقيها
ساعتها الدمع ف عينه
طرح
هي بقا قفلت الحكايه
ولما جاتله في النهايه
ادتله في ايده دعوه
فرح
ليست هناك تعليقات:
إرسال تعليق