بدايتي معاها
كانت رحله
خلصت قبل ما امشيها
نسيت نفسي
و حبيتها
ظلمت الحب اللي كان ليها
واخر حاجه كانت بينا
وأخر حاجه كانت ليكي
يأم المشاعر متباعه
من بعد فراقنا وبساعه
كتبتك شعر
وصفتك حاجه بأمانه
ملامحك شبه بهتانه
كأنك لوحه جوه أزاز
مجبتش السعر
مانيش أدم
ولا انتي كنتي فى يوم حوا
عشان ع الارض بيكي اتذل
يا قاتله النبض من جوه
ومانيش أيوب
ولا هبقا ف يوم يونس
ولا انتي شبه الحوت
عشان حبك ينجيني
يا أتعس وحده ف الملكوت
لو قربك والله هيحييني
أنا رافض بعلو الصوت
م خلاص الأسير بقا حر
وهمشي طريقي للآخر
وهرضى بالغياب والمر
وهبتك حب من ذوقي
لاقيتك سم ف عروقي
مش مكتوب اكون ليكي
خيوط الحب
كل الشعر كان فيكي
لكن قلبي ما داق الحب
ولا مره عليكي هلوم
يا شوكة ف ورده تشبه سل
دخلتي القلب بشمالك
خدشتي القلب وعروقي
قطعت الحبل من طوقي
يمكن غيري اكيد جالك
بأسم البعد هحلفلك
بأن القرب شبه ممل
من وهمك امتى ها فوقي
طريقك صعب وطريقى
كان اعمى وكنت بضل
شربتك قهوة كالعادة
ماكنتيش حلوه ولا حاجه
ولا فيكي ...اي حاجه تشد
لاقيت شبهك كتير ف الناس
يفرق بس كدابه
كدبتي كتير اووي عليا
وعدتي كتير ودي وعودك
هتكوني ورده وانا عودك
وعدتي بكل شيء ليا
وأن القصه بينا تطول
صدقت بكل شيء فيا
ومدتلك كمان ايدي
لاقيتك فجأه بتسيبي
حبست الدمعه ف عنيا
سال الدم ف وريدي ..
اساس البعد كان انتي
يا تاعبه القلب طب غيبي
عرفت ان الاساس عيبي
عشان أنجح بكل قبول
اكون عامل حساب جيبي..
يمكن اكون تمثال ...
لابد يتكسر
او صمته يتفسر
بالكشف والتحاليل
يا سهرانين الليل
قلبى كما المسكين
تايه فى ضل الشمس
كل اللى كان بالامس
كان وهم متغمي ..
ليست هناك تعليقات:
إرسال تعليق