//////+++ياغنو+++//////
باقية على صباغتك ياغنو
اتغسلي وتقشلي داك صوف
وقريبة يالالة منو
عايشة هازة لله لكفوف
اتغزلي وتزيدي نكلفي
ياللي معمرة ديك الخيمة
صبارة ديالك تجمعي وتعطفي
ياللي كنتي وحالك ديما
والسوق ماتعرفي ليه بابو
وتعوني لبعيد وللي لك
اسمك منسي عند حبابو
ياغنو ديالك ماشي لك
ثاقنة زربية ولعبانة
لابسة لحشومة والحايك
ياك ف الليل نلقاك تعبانة
هذا وداك لصنعتك جايك
عايشة لمحاين عايشة ضيق
تعبي اتحملي وترضعي
ناس نايمة ماحاسة بلحريق
اتجمعي لالة وتصنعي
ياللي رباتنا كيف الناس
وشحال ياغنو ماعييتي
يالعين الحاضية بلى قياس
وشحال تعبتي وشقيتي
اطلبت ربي ويكون لك عوين
نمتي ونسيتي كل غايب
ياك هكذا حنا شنا بالعين
يالموصوفة مافيك عايب
بقلم صقر الحروف الزجال المحجوب بوسبولة
ليست هناك تعليقات:
إرسال تعليق