♦ فَرْح مزوَّر ♦
قُلت أنسَى الهمّ ساعه
رُحت اشتريت علبة سجاير
وبالباقى إَدَّانِى لِبانه وِوَلاّعَه
وطلبت لنفسى فنجان قهوه
قُلت ياااد عِيشلَك شِِوَيِّا مَياعَه
ولقِيتنى قاعد مِتْحَيَّر
أنا لا بَدَخَّن ولا بَشرَب قهوه
ومَفْضِلش غير اللِّبانه أُم شكل مِدَوَّر
قُلت ومالُه أَهُو أَطَرْقَع بِيها على غَفْوه
وسنانِى تبان لُولِى منوَّر
والساعه عَدِّتْ على سَهْوه
ولا نفعتنى الولاّعه
ولا أنا كنت بتاع مَياعَه
ويا دُوب كانت مجرَّد ساعه
ماهُو م الأوّل كان فَرْح مزوَّر
♦خواطر قلمي♦
طارق على جاب الله
ليست هناك تعليقات:
إرسال تعليق