بكام عندك ..... ؟؟
دموع عيني بكام عندك .. ؟
وفين وعدك
تعيش العمر شاريني
وعمري يساوي ايه عندك
سنين صابر علي الأحزان
وفات عمري
وعارف كل شيء بأوان
وراضي بقسمتي وقدري
لقيتك قلت فرحي معاك
وداوبني الحنين في هواك
عشانك قلت هاتحمل
طريق الصبر ونكمل
وفجاه لقيتك اتغيرت
وشوفت القسوه فيك واحترت
وبعد ماكنت في عيوني
رميتني لهمي وظنوني
ويوم ورا يوم بتمني
مخرجش تاني من الجنه
كان نفسي عليا تستني
أعيش الفرح وأتهني
وللا استكترت اعيش مرتاح
وبتزود في قلبي جراح
يادنيا فين نصيبي من الفرح
وليه ... ؟
راضيه لقلبي الجرح
حبيب العمر بكاني
قدر يقسى وينسانى
سقاني مر أحزاني
وأعيش الغربه من تانى
وأخد نفسى فى احضانى
وأعيش عمرى
مابين الجرح ودموعي
بكام عندك ؟
بكام عندك دموع عيني .... ؟؟
عادل علي
ليست هناك تعليقات:
إرسال تعليق