مليون دليل
مليون دليل أن قلبك مش اصيل
ولا يوم بيوفى بعهد.. ولا يعرف يميل
مليون دليل انك عدو لنفسك
ولا اصل يوم يونسك
ولا الوفاء يعرف يوصفك
وانا كنت بخااااف اكسفك
بتقولى ملكه
اقول مولاتى وانصفك
لو كنتى جاريه
كنت هحارب عشانك واحرسك
بصيت فى قلبك
لقيتنى محتاج اكنسك
قلبك عنيد ومن حديد
مغشى بكومه من الصدى
الجشع سيطر عليه
الغدر مزروع فى عنيه
وغاباته اتسعت فى المدى
محتاجه نار تكوى ضميرك
تسيحك وارجع انا أأسسك
على أن الانتصار على النفس
شى مقدس بيسطره انطباعنا
واننا ممكن نخسر الغالى
ونعيش بغربه والسبب هيكون طمعنا
اأسسك
على أن الحياة بدون العطاء صورة مخيفه
على أن لحظه حب تخلى ايامنا لطيفه
هأسسك
على أن قلبى يقدر يعاند مستحيل
على انى علمته وكويته
أنه يحفظ من الموقف مليون دليل
على أنه يفضل ثابت ولاعمره ينحنى
الا احتراما فى وجود موقف نبيل
انا قلبى عمرة مفكر يدور عن بديل
هتقولى حبك اقولك مستحيل
لانك.............
متركتيش على وجودك دلييييييل
#طارق العدل العدل
ليست هناك تعليقات:
إرسال تعليق