مريض بالصحه فى زمن العاهات
مريض بالحكمه ميهمنيش يرددوا سخافات
عيال هايصه بتلم من الارض الفتات
من يومى على العزه والكرامه بقتات
ولو يوم بصفى مع الاندال حسابات
تلاقينى داينهم وتسمع منهم عويل واهات
واحد بداينه بالدعوات يترفع ويسيبه من الحشرات
وواحد مداينه بالمال من غير ما اكتب عليه شيكات
وواحد مداينه بقلة اصله ويايا فى الازمات
أما لسانى فى الغلط ما بينطق إلا سكات
صعيدى ما بنسى الاهانه لحد الممات
مش بلتفت للغلط والعيب بعتبر فعلهم هفوات
ذل اللسان هوايه ميعرفها الرجال بتحبها الستات
وكتير رجال بالاسم وفعلهم فعل الحريمات
أما الحريم انواع نوع تجيبه من الطرقات
ونوع تقيم وراه صلوات
ونوع البلاد له تتفات
خليك مع الوردات وابعد عن الحدايات
ولا تدى سرك للى غاويه يوماتى خناقات
خلاصة المعرفه تعرفها فى النهايات
ولما تصاحب ندل وتعرفه اعتبره كلب ومات
سهم الجبالى
ليست هناك تعليقات:
إرسال تعليق