.....محكمه الحواس ....
صرخة جوه الروح تعلى .
زلزلت قلبى وكلى
كان صداها فيا يقول
نفسي اخلص من الظنون
هوه ده الحب بجلالته
ولا ده بحر الشجون
اختصمت فيا الحواس
والجميع قدم طعون
الايدين رافعة صوباعها
بتستأذن للإجابه
قالت اللى انكتب
فى عيونها كلام صريح
كان شعور من قلب صادق
موثقاه وبالتاريخ
حتى لما قبلت سلامى
من ايديا الفرحه هلت
ليوم تعبت من سلامها
ولا صوابعى بردت وملت
كل العيون إلى شافتها
على النبى سمت وصلت
....
الفؤاد رد بطريقة
خارج سياق الحوار
قال انا هختصم العيون
واعتراضه أصبح شعار
قال العيون شافت ملامح
ابتسامة وسحر جامح
أما أنا تعبان بجد
هى تزعل وسيبانى اصالح
ولو غابت أو مرة بعدت
الشعور فى غيابها جارح
...
العيون وبدون جدال
دمعة منها ظهرت ولاحت
قالت سيبونى دنا مشتقالها
ربطانى بيها المطارح
بدور عليها بين الحارات
بين البيوت بين الشوارع
فجأة أغلقت الجفون
بدمعة منها مرسلة
قالت انا شايفة صورتها
سيبونى بيها متكحلة
......
الشفايف بدأت تهمهم
بدون حروف أو كلام
قالت انا اديتها رسالة
بوسة منى كانت سلام
ولسه سايبة بصمتى
على ضهر ايديها الشمال
.....
قلبى قال كلام صحيح
يومها ذاد فى نبضىي دقة
الوريد ايد كلامه
قال حبيبته وتستحقه
والأنف من ارتفاعه شموخه
شهد وقال دى تبقى روحه
لو شميتو ريحة حبيبته
من عطرها طبعا تفوحو
الحواس احتكمت لعقلى
والطريقة كانت مريبة
قلب يتحدى الجميع
ويبقى ليه فجاءة حبيبة
بس عقلى من انشغاله
رده كان بصيغة عجيبة
قاال هدووووووووء لو سمحتو
بكتب لعيونها قصيدة
قلبى قال الله اكبر
هى دى اجمل حقيقة
والكلام كله انتهى
لما قلبى قال اسمها
اكتشفت أن كلي
بجميع حواسى بحبها
اخر كتاباتى
ليست هناك تعليقات:
إرسال تعليق