خواطر ،،، الشاعر ،،، 🌹 ريمون عبدة 🌹
قصيدة
🌺 نغم ناي اقوي من البارود 🌺
قطرة ندا
نزلت من سابع سما
لمست عود ناي حزين بيعزف مع العود
ناي بيعزف بنوته عازف ونغمه محدود
سطر ببحه حزينة نغم الوجود
بدأ نغماته بنوتة وانطلق فاق كل الحدود
وسجل بفرح وحزن ممزوج يوم غير كل الوجود
يوم اصبح في التاريخ مرصود
يوم اتكسرت قدامه كل أنواع القيود
شاب وفتاه رسموا
بعزف الناي صورة أمل
في كل ميادين الحياه
يبقى انتباه
انتباه لضمير اى حد نايم
وصوت الحق صحاه
انتباه
للسان اى حد ساكت
وأعلن سكوته دة عن رضاه
الحكايه مش حكايه ثورة
قامت والسلام
الحكايه حكايه شعب ثار و انتفض وقام
الحكايه حكايه بلد اتكفنت ارادتها
واتلغت سيادتها
واتحجبت كرامتها
وقالوا انهم اسيادها
وباقى الشعب عبيدها
وعلى رأى اللى قال
في الأمثال زمان
راحت السكرة وجت الفكرة
واتهدم كل اللى اتخطط لبكرة
وقالها الشعب
قالها الشعب
بكل إيمان
يسقط يسقط
كل جبان
وصحي صوت الناي ضمير انسان
وقدر ببحة حزينة يهد كيان.
وعجبي ،،،
خواطر ،،، الشاعر ،،، 🦅 ريمون عبدة 🦅
ليست هناك تعليقات:
إرسال تعليق