قصيدة
(((( أعتذار )))))
اقبلي مني اعتذاري
ع اللى فات
واقبلي آسفي ع كل
اللي مات
واسمحي لي أني
ابدأ من جديد
وافتحي قلبك لبكره
بكره عيد
وارحمي دموعي بلاش
منك تئيد
واسمعي دقات قلبي
ونبضي ف الوريد
اصل انا ياحبيبتي
حبك الوحيد
واعذريني وامنحيني
فرصة الاعتذار
وامسحي دموعك
وطفي أي نار
ايه يفضل لينا دي
الدنيا مرار
وارفضي ياحبيبتي
أي احتكار
مهما كام لازم
ناخد قرار
وابدئي ياحبيبتي
حتي الاختيارأما جنه
وأما نار
واسمحي لقلبك يحس
نشوة الانتصار
يوم ما نحضن بعضنا
دون اعتذار
يوم ما نخرج مره
م أي أنكسار
يوم ما نتسامح سوي
مع كل جار
يوم ما ندخل بالسرور
ع كل دار
يوم ما تشرق شمسنا
ف كل نهار
يوم ما نزرع أرضنا
قمح وخضار
وأما نلحق مجدنا
قبل انهيار
صدقيني محتاجين
نأخد قرار
لأجلنا نرجع للطريق
من غير دمار
إنما واجب نقدم
للاله الاعتذار
ربما يقبل رجوعنا
قبل لحظة الاحتضار
كلمات الشاعر / السيد علي القن
ليست هناك تعليقات:
إرسال تعليق