نفسى اعيش كويس كلمات اسامة فؤاد حنا
مش طالب م الدنيا حاجة
غير انى اعيش كويس
البس شياكة والاجة
واصيف ف مارينا واهيص
ولا طالب اكون وزير
ولا حتى اكون ريس
مش عايز اموت فقير
انا نفسى اعيش كويس
ما استناش اكشف بالدور
واروح لاحسن دكتور
الاتوبيس مفيهوش زحمة
والعيش من غير طابور
مش عايز فيلا وعربية
ولا حتى رصيد ف البنك
كده رضا وميه ميه
كفاية هانسى الضنك
مش طالب م الدنيا كتير
غير انى اعيش مستور
ليه حق ف التعبير
زى ما بيقول الدستور
نفسى اربى العيال
ويلبسوا احسن لبس
يدخلوا مدارس الكبار من غيرديون ولا حبس كلمات اسامة فؤاد حنا
ليست هناك تعليقات:
إرسال تعليق