احمد فرج ١ يوليو ٢٠١٩
انا بسجنك
انا بسجنك حبيس الدمع والاشواق
ومشتاقلك وساكن قلبى بالاشواق
ومحتاجلك بوقت الاه تداوينى
بقول الاه اشوف كفك على جبينى
بيمسح دمعة الايام يراضينى
يقول بابا واحشنى بجد
ومش لاقى ببعدك حد يراضينى
ده انا اللى دمعى بيكوينى
وبنزف دمع بهمومك على جبينى
وماسك كفى سكينى
بفكر اطعن الايام وارجع تانى بسنينى
عشان صوتك وحشنى بجد
ومشتاقلك تنادينى تقول ابنى يانور عينى
ياشايل اسمى ببطاقتك
وحامل فوق هموم كتفك
لاوجاعى
وحاسك وقت امراضى
تكون باعى
واحب اسمع اكيد صوتك
باسماعى
رسالة اب بمماته الى ابنه
يارب تكون اكيد بعدى بيوم مرتاح
لانك من سكن روحى
ووقت معاشى كنت مداوى لجروحى
يبابا من بعاد روحك
بكيت الدم وبعدك مين يشيل الهم
ده انا عيشتى بعد منك غم
ونزفت دم بدال الدمع
نزف قلبي سنين وايام
وكل حلمى سمع صوتك ده قبل منام
يبسمة كت منورة الايام
سجين بعدك ف بحر من الاحزان
ونفسى من سنين اجى بحضنك ابكى وانام
ليست هناك تعليقات:
إرسال تعليق