الاثنين، 8 يوليو 2019

عيون العاشقين ... الشاعر ناصر عطا محمد ...

... *** عيون العاشقين *** ...

في عيونك .. اوعيوني ..
اوعيون العاشقين
رمش يحكي .. ألف قصة
درس يسوى .. ألف حصة
والقلوب .. مرصوصة رصة
تشكي .. أحزان السنين

اسهري .. زى الحيارى ..
بين نجوم .. متبعثرة
واظهري .. زي السكارى
فى الهوى .. متعورة
واحلمي .. فى الليل لوحدك
لو سماكي منورة
واسمعي .. لحن الحنين

بكره أفكاري .. جميلة
بالمحبة والغرام
كل أشعاري .. وسيلة ..
للفرح والإبتسام
دوقي لهفة .. قلب عاشق
وانسي .. أيام الخصام
خلي عمرك .. كلمتين
قلبي عاشق .. من سنين

بقلمي .. الشاعرناصرعطامحمد
بقلمي Nasser Atta
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)