بقلم طارق على جاب الله... دعوة فرح

.... ( دعوة فرح) ....
حدث بالفعل
جاءنى من ذا البغل
دعوة فرح
راجل أو ست
حاطط على وشو الطرح
واد أو بنت
زال من وشو الفرح
الغريب شايف
والبعيد عارف
والقريب قارف
العريس غدار
والعروسه هاتولعها نار
والعازم فى كدبو ومكرو تحتار
والمعازيم بيتكلمو من ورا الستار
فعلا فرح محصلش
والكل عارف منكرش
محدش فيه طايق حد
والقلوب عماله تصد
ما هما كلهم بميت وش
وعايزين اللى زيهم يعرف يغش
كلامهم يسم البدن
وقلوبهم صابها العفن
بس عاش الواد مخيمر عاش
شال التلاجه والميه مشربهاش
إياك تحضر بمكان
الكل فيه حاقد خوان
تجمعهم بس المصلحه
ونفوسهم عن بعض مروحه
تعابين على كل لون يتلونم
يلدغو فى الضهر لو اتمكنم
ياما صبرنا عليهم ياما
لحد ما أذاهم ساب فينا ألف علاما
قال هو الكبير قال
بيغنيها بس وعاملها موال
ووقت الجد والعوزه
يستخبى جنب المأموزه
متخدش منو غير الكلام
كبير بس فى العتاب والملام
الكبير مش بالسن ولا بالعدد
الكبير بالفعل ووقت الجد سند
من كتر اللى شفتو من عيوبك
هاسيبك لربنا وانت ونصيبك
الله يرحمك يا أمه
فى وشو كنتى بتقوليلو يا رمه
سيبونى بقى فى حالى
وكفايه اللى جرالى
خلاص قطعت الدفاتر
ومحدش له عندى خاطر
وهى كلمه ومش هاكتر
محدش منكم عاد يتقدر
مكانكم عندى معنديش
ورجوع تانى مفيش
وبقولها وبكل صراحه
البعد عنكم آخر راحه
أظن كلامى مفهوم
ويا بخت اللى بات مظلوم
وما بتش ظالم معلوم

...... بقلمى ......
طارق على جاب الله