أفتح ببان الفرح
أطبطب على كل حزين
تجرى رياح الجرح
تقفل عليا بابين
ينده عليا القلب
يكسر جوايا حنين
وأرجع وأقول يا فرح
سايبنى وحدى لمين
يرفرف بجنبى الجرح
يحوط عليا سنين
أجيب ببان الفرح
وابنى عليها حاطين
يموت جواها القلب
يزرع بذور حياتين
طب نزرع شجر الفرح
واللا مش قادرين
نحصد ثمار الجرح
ونعيش مجروحين
لا الفرح بيدوم
ولا م الحزن محرومين
مبنى كتير بيوت
ونهدم قلوب مساكين
...... بقلمى ......
طارق على جاب الله
ليست هناك تعليقات:
إرسال تعليق