تعرف بحبك أد إيه
بحس بحرفك حزين
لما العبوس يسكن عينيك
بحس برعشة إيديك
لما تداري عني
وتقول أنا بخير
بقول فيك حاجة متغيرة
والله انت غالي
أكتر من كدة
من الدنيا ديه كلها
ياحلم عمري ياحتة من روحي
بدون ماتكتب
او تقول
بحس بيك
ومن قبل ماأسمع صوتك بعرف أخبارك إيه
وعامل إيه
أنت الميلاد وعدد السنين وشمسي وهمسي
وطريق عاهدت نفسي معاك أمشيه
عرفت بحبك أد إيه
أد اللي راح واللي جاي واللي لسة في علم الغيب
أد الليل اللي سهرته
أناجي طيفك
ويدوب صبري في انتظارك
بحضر كلام وانوي لما أشوفك أقولهولك
وأحضن منك كل شيئ
ولما تيجي يخدني موجك وأغرق في صمتي
تجري مني الحروف
تهرب
ياخدني السكات
وفي لغة العيون أتوه
عرفت بحبك أد إيه
طارق
ليست هناك تعليقات:
إرسال تعليق