أسعد الله مساءكم بكل خير أحبتي أصدقائي
الى محبي الشعر الشعبي العراقي(بقلمي)
ليل الصبر
مليت ياليل الصبر ساعاتك هواية طويلة .... اشوفهة سنين وتِجر
وكل ساعة مِنَك تترك بروحي أثر
بس هِدني ياليل الصبر
تعبان حيل ... وأبد مابية أنتظر
خليني أداوي عيوني ذَبَلهة السهر
وما أريد أشوف أحلامك الجذابة خليهة صور
الروح مليانة حزن
والفرح مثل الريل عداهة وعُبَر
كافيني ياليل الصبر
رافكتك هواية ومشيت بلا نظر
بطيفي ألظِم إنجومك كلادة على الصدر
وظنيت كل سوكك ذهب بس طِلَع كل مابي صفر
وأمشيت أريد أَلكة محطة وبيهة أترجة سَفَر
ومن إتعبت وطلبت كطرة ماي ماكايل نهر
إلكيت عطارك يبيع الماي ويسَمي عطر
وناطورك يريد البضاعة بلا سعر
وشو وادمك ماهية جن إبساع هجولها القهر
بس آنة باقي وياك رغم الصار على حر الجمر
ومتحزم إنته وياي وتكّصِر من سنيني عمر
مكروه ياليل الصبر
ما أريد منك تعتذر
مفطوم آنه على الصبر
دَنزاح بلكي تبيّن خيوط الفجر
مليت ياليل الصبر
جا هو علكم لو عمر
(آمال الفراتي)
الى محبي الشعر الشعبي العراقي(بقلمي)
ليل الصبر
مليت ياليل الصبر ساعاتك هواية طويلة .... اشوفهة سنين وتِجر
وكل ساعة مِنَك تترك بروحي أثر
بس هِدني ياليل الصبر
تعبان حيل ... وأبد مابية أنتظر
خليني أداوي عيوني ذَبَلهة السهر
وما أريد أشوف أحلامك الجذابة خليهة صور
الروح مليانة حزن
والفرح مثل الريل عداهة وعُبَر
كافيني ياليل الصبر
رافكتك هواية ومشيت بلا نظر
بطيفي ألظِم إنجومك كلادة على الصدر
وظنيت كل سوكك ذهب بس طِلَع كل مابي صفر
وأمشيت أريد أَلكة محطة وبيهة أترجة سَفَر
ومن إتعبت وطلبت كطرة ماي ماكايل نهر
إلكيت عطارك يبيع الماي ويسَمي عطر
وناطورك يريد البضاعة بلا سعر
وشو وادمك ماهية جن إبساع هجولها القهر
بس آنة باقي وياك رغم الصار على حر الجمر
ومتحزم إنته وياي وتكّصِر من سنيني عمر
مكروه ياليل الصبر
ما أريد منك تعتذر
مفطوم آنه على الصبر
دَنزاح بلكي تبيّن خيوط الفجر
مليت ياليل الصبر
جا هو علكم لو عمر
(آمال الفراتي)
ليست هناك تعليقات:
إرسال تعليق