راجع نفسك ..الشاعر توفيق بو مدين

راجع نفسك

كنت باغي نلقاك
ونوجه ليك سؤال
سؤال شطنلي البال
قلت ربما الوقت مازال
يمكن تراجع نفسك
يمكن تتبدل
ونقول سبحان مبدل الأحوال
لكن انت هو انت
كيف ما لقيتك مزال
المكر فجبينك
والتوبة محال محال
يا بني الإنسان
يعيا الوقت ما يطوال
تعيا تجمع فالأموال
تعيا تتلون بلوان
ساعة من عند الغاني تغني
الموت ما تعلم تجي فالحال
راجع نفسك يا بنادم
أولنا ضعيف وشوفنا كفيف
يهديك الله رد البال
كون لخوك وسادة
كون لليتيم سرير
كون للضرير عكاز
راك فالدنيا غير جوال
         توفيق بومدين